زي ما قولنا قبل كده تمارين اليوجا للوجه هي احدث صيحه في عالم الجمال والحفاظ علي شباب البشره. الموضوع حقيقي جدا وممثلين كتير رجاله وستات بيستخدموه للحفاظ علي شكل وجههم اصغر علي الاقل عشر سنين.
وجمال التمارين انها سهله سريعه جدا نتيجتها مؤكده وكمان ممكن تبدأيها في اي سن وهتجيب معاكي نتيجه مهما كان عمرك.
الفكره وراء اال face yoga هي
ان الوجه زيه زي اي مكان في الجسم مكون من مجموعه عضلات ومع التقدم في العمر العضلات ديه بتبدأ تضعف وتضمر وبالتالي الجلد اللي مغطي العضلات بيبدأ يترهل ويبهت وتحصل فيه تجاعيد.
تخيليها كأنها بلونه منفوخه جدا وديه في حالتنا العضلات كويسه جدا فبشره الوجه مشدوده عليها صح
او بلونه منفوخه نص نص وديه في حالتنا عضلات ضعيفه بالتالي بشره مترهله ومكرمشه
الحل ببساطه نرجع نقوي العضلات ديه وده اللي بتعمله تمارين اليوجا للوجه.
النهارده هشارك معاكم بفيديو جميل جدا تمرين واحد بيصلح منطقه العين والخد ويرفعهم. التمرين سهل وبسيط وسريع.
نقطه مهمه جدا جدا.. ضروري قبل ما تبدأي التمرين تحطي مرطب طبيعي علشان هنشد اجزاء في الجلد فلازم لازم بشرتك تبقي رطبه علشان متتأذيش. وطبعا لازم يبقي كريم طبيعي تماما بلاش كيميكلز ضاره.
تقدري تستخدمي شيابيوتي داي اند نايت او شيابيوتي رينيو كريم او سيروم او تكتفي باي زيت طبيعي زي الجوجوبا او الارجان او جوز الهند او الزيتون او بزبده شيا خام طبيعيه. اختاري اللي يرتاح معاه وشك وتحصلي منه علي تغذيه قويه.
الكريم زي ما هيدي البشره ترطيب كمان هيبقي فرصه كويسه ان البشره تمتصه بسرعه والتغذيه تبقي مضاعفه نتيجه تنشيط الدوره الدمويه اثناء التمرين.
كرري التمرين يوم بعد يوم لنتيجه سريعه.
يلا اسيبك مع الفيديو وتابعيني في سلسه أسرار جمال هوليود ♡♡
https://m.youtube.com/watch?v=2YrHQ7rgXZo
♥♥ شيابيوتي تحبك وتعتني بكي ♥♥
علشان توصلك وصفاتنا وعروضنا تابعينا علي
Www.facebook.com/SheaBeautyEgypt
Www.facebook.com/groups/sheabeautyegypt