- ها مقولتليش على الطرق الطبيعيه اللى أغسل بيها شعرى وأتجنب أضرار الشامبو والبلسم الصناعى !
- طيب جميل أنك متابعه بقى وعايزه تعرفى :)
- أه طبعا يا بنتى أمال دى صحتى :)
- طيب الأول نحط اللينك بتاع الجزء الأول علشان اللى مقرهوش يقرأ ويستفيد معانا :)
https://www.facebook.com/SheaBeautyEgypt/posts/1493054884039737
ثانيا بقى الحل بسيط جدا ومتوفر والحمد لله
- قولى
- هقول بس متزوقيش :)
أغسلى شعرك بصابون طبيعى تماما خالى من أى كيميكلز ..
- أيه صابون! صابون أزاى يعنى؟
- أيوه حبيبتى الصابون الطبيعى ده بيصنع من زيوت ومواد طبيعيه تماما بتبقى صحيه جدا ومفيده للشعر ومفيهوش لا مواد حافظه ولا مواد كيميائيه. وعندك صابون طبيعى زى الصابون الأفريقى الناعم من شيابيوتى وهتلاقى صورته تحت. وممكن تستخدمى اى صابون طبى جلسرين من الصيدليه أو حتى صابون الزيتون بتاع نابلسى شاهين بتاع زمان ده. اى واحد من دول هيبقى احسن ميه مره من الشامبو. وهقولك تعملى ايه.
- كلى أذان صاغيه :)
- لو هتستخدمى الصابون الناعم من شيابيوتى يبقى تاخدى بمعلقه صغيره منه وتدوبيه فى مج كبير ميه دافيه وتقلبى كويس لحد ما يدوب ويعمل رغوه تغسلى بيه شعرك وفروه راسك كويس اوى وتشطفى علطول بالميه. وتكررى لو شعرك طويل اوى أو كنتى عامله حمام زيت او شعرك فيه دهون كتير.
- وده كده هينضف؟!
- من ناحيه هينضف فهو هينضف بس احساسك انتى اللى هيبقى مختلف :)
- أزاى؟!!
- الكيميكلز اللى فى الشامبو زى ما اتفقنا كانت بتشيل كل الدهون من الشعر حتى الدهون الطبيعيه اللى عادى انها تبقى موجوده وديه زى ما قلنا حاجه مضره جدا. الصابون الأفريقى مش بيعمل كده. لأ هو بيشيل الدهون الزياده فقط فطبعا فى الأول هتبقى حاسه كأن شعرك مش نضيف اوى بس هو فى الحقيقه بقى نضيف بشكل صحى وطبيعى.
- طيب والبلسم؟
- هقولك على طريقه بلسم طبيعى رائعه جدا تستخدميها أساسى مع الصابون الطبيعى.
بعد ما تغسلى شعرك كويس من الصابون هتحسى انه بقى ناشف وماسك فى بعضه. ولا يهمك دقايق وكل ده هينتهى :)
حطى معلقه خل تفاح صغيره على مج مايه دافيه كبير ولو شعرك جاف حطى نقطتين بالعدد زيت زيتون او زيت جوز هند وقلبى كويس واشطفى بالمحلول ده شعرك وتخللى الشعر كده كأنك بتدلكى بلسم بالظبط. وسبيهم على شعرك خمسايه كده لحد ما تخلصى الشاور بتاعك وبعدين أشطفى بالميه تانى. هتلاقى شعرك بقى خفيف جدا وبيلمع وطرى وهتفرحى بيه أوى :)
- الله طيب ديه حاجه حلوه وسهله ورخيصه هجرب :)
- أه طبعا جربى شعرك يستحق وصحتك تستحق :)
بس خدى بالك بقى. شعرك اللى بقاله سنين بيتحط عليه كيميكلز اد كده هيحتاج فتره ديتوكسينج (detoxing period).
- ديتوكسينج؟!! يعنى ايه؟
- الديتوكسينج هو ان الجسم بيبدأ يتخلص من بقايا الكيميكلز والملوثات المتراكمه فيه على مدار السنين اللى فاتت كلها. فممكن تبقى متضايقه ومش حاسه انه فى احسن حلاته وبينتكس. شطارتك هنا وانا عارفه انك شاطره وصبوره انك تكملى وتستمرى لحد ما الفتره ديه تعدى. وبعدها أوعدك ان شعرك فعلا هيبقى حاجه تانيه وهترتاحى من مشاكله.
- طيب و الفتره ديه أد أيه؟
- بتختلف من واحد للتانى فى ناس اسبوع وفى ناس شهر ويمكن أكتر شويه على حسب شعرك شايل منك أد ايه هههههه
- هههههههههه طيب مقدور عليها ان شاء الله :)
- أن شاء الله خير
الطبيعه مفيش أحلى ولا أسهل منها وعلى فكره الوصفه ديه تنفع للبنات والشباب والأطفال طبعا لأنها طبيعيه تماما :)
- بجد ! طيب حلو هقول لأصحابى وأخواتى عليها ونجرب كلنا سوا :)
- أوك وهستنى تفرحينى بأخبار حلوه :)
- أكيد :)
- أستنى صحيح نسيت اقولك الوصفه التانيه وديه للى بيحبوا يغسلوا شعرهم كتير وبشكل يومى او عايزه تنضيف بسيط وسريع لشعرك.
- طيب قولى
- لا بقى البوست الجاى علشان ده بقى طويل اوى .. تابعينى :)
لكل وصفاتنا تابعينا على الفيس بوك على الهاش تاج ده
#وصفات_شيابيوتى
شيابيوتى تحبك وتعتنى بكى