تمارين اليوجا للوجه هي أحدث صيحه للحفاظ علي جمالك ومظهرك الشاب. ممثلين كتير بيستخدموها للحفاظ علي مظهر
وجههم شاب من غير تجاعيد او لغد او ترهل. وعلشان كده هتلاقي شكلهم أصغر من سنهم بكتير اوووي.
جمال التمارين ديه انها سهله وسريعه وممكن تعمليها ايا كان عمرك حتي لو عندك 60 سنه وبرده هتجيب نتيجه ملموسه جدا. وطبعا كل ما عملتيها بدري وانتظمتي عليها هيكون احسن واحسن.
وعلي الرغم من انها صيحه جديده الا ان القدماء زي كليوباترا مثلا واميرات الحضارات الشرق اسيويه كانوا بيعملوها للحفاظ علي شبابهم وجمالهم الطبيعي مهما كبروا في السن.
أنا شخصيا ماشيه علي التمارين ديه بقالي سنين. بنتظم ساعات وساعات بقطع بس في المجمل مكمله والنتيجه مرضيه جدا بفضل الله.
تابعيني وهقولك كل اللي عندي والتمارين اللي بعملها علشان احافظ علي شكل وشي شاب مهما كبرت في السن.
شيري البوست لصحباتك علشان تعم الاستفاده وندخل الفرحه علي قلب كل أنثي رائعه وجميله زيك ونساعدها تكتشف جمالها الطبيعي ♡♡♡
أتمنالك سعاده كتيره اوي ويومك رائع كالعاده
♥♥ شيابيوتي♥♥