من حقك تعرفى - واقى الشمس المعدنى
MINERAL SUN BLOCK or PHYSICAL SUN BLOCK
واقى الشمس المعدنى او الفيزيائى تسميتين مختلفتين لنفس الشىء
وعلشان نفهم أكتر تعالى نعرف ايه هو الصن بلوك ومكوناته ايه.
الصن بلوك هو مستحضر وظيفته حمايه البشره من أشعه الشمسالضاره بنوعيها ال UVB & UVA
وعلشان يعمل كده فى طريقتين:
طريقه كيميائيه
وفيها يحتوى الكريم او اللوشن على مركبات كيميائيه معينه تمتص اشعه الشمس الضاره وتحولها لمركبات غير ضاره بينتج عنها حراره. والنوع ده من الصن بلوك بتمتصه البشره وبيدخل لطبقات الجلد العميقه وعلشان كده لازم تنتظرى نصف ساعه من فتره وضعه على البشره حتى الخروج للشمس علشان يبدأ يشتغل.
مشاكله: المشكله فى النوع ده ان المركبات الكيميائيه اللى فيه مع الوقت بتتحلل بفعل الحراره وتكون مركبات سامه بتتراكم فى بشرتك وتدخل مع مجرى الدم فى جسمك. يعنى سموم بتتراكم فى خلاياكى. مش كده وبس ديه بتعمل عمل هرمون الأستروجين بالأضافه انها بتعطل عمل هرمونات أخرى فى الجسم وبتحرر العوامل المؤكسده.
ولانه بيرفع درجه حراره الجلد والبشره العميقه فبتبدأ البشره تكون بقع بنيه وتصبغات على مستوى أعمق من سطح الجلد وبالتالى علاجها وازالتها اصعب. بيتسبب فى عمل رد فعل تحسسى فى البشره وفى بعض الحالات ألتهابات.
بيقدم حمايه مزيفه لأن مركباته بتتحلل فى فتره وجيزه من التعرض للشمس ومتى ما تحللت كده كأنك مش حاطه اى حمايه وبشرتك بتبدأ تمتص كل الأشعه الضاره اللى واقعه عليها.
وعلميا ملوش معايير سلامه محدده. وأوعى تستخدميه لطفلك أبدا لأنه بيأثر على الهرمونات زى ما قولنا.
وعلميا ملوش معايير سلامه محدده. وأوعى تستخدميه لطفلك أبدا لأنه بيأثر على الهرمونات زى ما قولنا.
مميزاته: ميزته الوحيده هو انه خفيف ومبيسبش لون أبيض على بشرتك عند وضعه.
كيفيه التعرف عليه: دى قائمه بالمكونات الضاره الموجوده فى الصن بلوك الكيميائى لتتجنبى اى منتج مكتوب عليه هذه المكونات
Para amino benzoic acid
Octyl salicyclate
Oxybenzone
Cinoxate
Dioxybenzone
Phenylbenzimidazole
Homosalate
Menthyl anthranilate
Octocrylene
Methoxycinnamate
Parabens
طريقه فيزيائيه
والنوع ده من الصن بلوك بيحتوى اما على ال ZINC or TITANIUM وأليه عمله ان الجزيئات اللى فيه بتعمل كمرايا عاكسه لأشعه الشمس الضاره الواقعه على الجلد.
مميزاته: لا يتحلل بفعل اشعه الشمس ولا تمتصه البشره بالعكس بيفضل على سطح الجلد وبالتالى لا يدخل فى مجرى الدم او يأثر على الهرمونات او يدخل اى كيميكلز لجسمك.
لا يسبب الحساسيه وبيحمى من اشعه الشمس بنوعيها بفاعليه أكبر.
لا يسبب الحساسيه وبيحمى من اشعه الشمس بنوعيها بفاعليه أكبر.
مش محتاجه تعيدى وضعه على بشرتك كل ساعتين طالما لسه موجود فوق البشره. فقط اعيدى تطبيقه لو غسلتى وشك او حصل تعرق او اى شىء ادى لأزالته من على بشرتك.
أمن تماما للأطفال.
عيوبه: عيبه الوحيد هو أنه بيسيب لون ابيض على بشرتك.
