من حقك تعرفى .. وهم ال SPF
SPF - Sun Protection Factor
هو ما يطلق عليه اسم معامل الحمايه وهو الرقم المكتوب على كريمات الصن بلوك المنتشره.
- الوهم بيقول ان كل ما الرقم يبقى أكبر يبقى أكيد الحمايه أكبر
- الحقيقه العلميه بتقول ان الأرقام ديه ما هى الا خدعه أعلانيه للتسويق
التفاصيل:
الصن بلوك هو مستحضر وظيفته حمايه البشره من أشعه الشمس الضاره واللتى بالتعرض لها بشكل مستمر تسبب مشاكل للبشره كالتصبغ والشيخوخه المبكره وتلف الكولاجين وتصل الى سرطان الجلد.
اشعه الشمس الضاره نوعين UVB AND UVA وهم نوع واحد من اشعه الشمس لكن بأطوال موجيه مختلفه وكل واحد فيهم بيتسبب فى انواع معينه من الأضرار للبشره.
أولا: معامل الحمايه المكتوب على الصن بلوك بيقيس فاعليه المستحضر فى حجب ال UVB فقط.
علشان كده لازم تاخدى بالك انه يبقى مكتوب عليه انه بيحمى من نوعين الأشعه مش نوع واحد فقط.
ثانيا: علميا الصن بلوك بمعامل حمايه 30 بيحمى بنسبه 97% من اشعه الشمس الضاره.
الصن بلوك بمعامل حمايه 50 بيحمى من 98% من اشعه الشمس الضاره.
اللى مكتوب عليه 100 بيحمى بنسبه 99%
فمتنخدعيش بالأرقام وبالتالى تدفعى أكتر فى حاجه مش هتضيف ليكي فايده حقيقيه.
ثالثا: معامل الحمايه لوحده مش كافى. الأهم منه هو اعاده تطبيق المستحضر بشكل دورى كل ساعتين على الأكثر فى حاله الصن بلوك الكيميائى لأن عناصره بتتحلل بفعل الحراره وبالتالى حمايته بتتلاشى.
رابعا: درجه الحمايه بتعتمد بشكل كبير على الكميه الى هتحطيها على بشرتك من المستحضر واللى كا ما كانت كثيف كانت أفضل فى الحمايه. يعنى صن بلوك بمعامل حمايه صغير بتحطى منه طقه كثيفه وبتكرريه كل ساعتين افضل فى الحمايه من صن بلوك بمعامل حمايه اعلى وحاطه منه طبقه رقيقه ومش بتكرريه.
خامسا: لون بشرتك ومده تعرضك للشمس تفرق فى حساب معامل الحمايه.
الخلاصه:
أشترى الصن بلوك بمعامل حمايه 30 او 50 كافى جدا
أشترى صن بلوك معدنى او فيزيائى (طبيعى) أأمن وأوفر ومده حمايه أطول من الكيميائى.
كررى وضع المستحضر لو كيميائى كل ساعتين ولو طبيعى يبقى كل ما يتمسح لأى سبب من الأسباب
ضعى طبقه كثيفه من المستحضر على اد ما تقدرى
خدى أحتياطاتك الأخرى من برنيطه ولبس فاتح قطنى
