كلنا بنهتم ببشره وجهنا. بنعمل لها تقشير - مساج - ماسكات - ترطيب وكل اللي يخليها صحيه ونضره. لكن أمته اخر مره اهتمينا
ببشره جسمنا؟
جلدك هو اكبر عضو في جسمك. وتقدري تضيفي خطوه بسيطه لروتينك الصباحي للحفاظ علي صحته واستعاده نضارته ورونقه.
الخطوه ديه اسمها Dry skin Brushing
او بالعربي كترجمه حرفيه "التفريش الجاف" وهو مصطلح يطلق علي تفريش الجسم بفزشاه ناعمه مخصصه للجسم وجافه والبشره جااافه تماماااا يعنى غير رطبه او مبلله.
وفوايده مش قاصره فقط علي صحه الجلد الخارجيه بل أثره بيمتد لصحه الجسم وأنظمته ككل زي ما هنوضح في السطور القادمه.
فوائده:
الجلد عضو مركب مكون من أعصاب وغدد وطبقه كبيره من الخلايا. لما بيكون صحي :
- بيعمل كحاجز لحمايتنا من التغيرات المناخيه والكيماويات الضاره من حولنا.
- وهو خط دفاعنا الأول ضد العدوي والجراثيم لأنه بيقوم بأفراز مضادات حيويه طبيعيه تحمينا وتحافظ على سلامتنا.
- يقوم بأنتاج فيتامين د االلازم لعمليتنا الحيويه عند التعرض للشمس.
- يحتوي علي كتله كثيفه من النهايات العصبيه المتصله بالدماغ فهو وسيله تفاعل بيننا وبين العالم الخارجي.
- والجلد هو عضو اساسي في دعم لجسم للتخلص من السموم عن طريق افرازها للخارج عبر الجلد.
عندما يكون الجلد محمل بمزيد من السموم والخلايا الميته تقل قدرته علي تخليص الجسم من السموم بكفاءه وبالتالي يؤثر علي صحه جسمنا كله ومناعتنا بشكل عام. وهنا تأتي فايده التفريش الجاف، ليس فقط في ازاله خلايا الجلد الميته وحسب وانما في تفعيل العقد الليمفاويه لاخراج السموم والتخلص منها فهو.
1. يحفز الجهاز الليمفاوي
الجهاز الليمفاوي في الجسم هو المسئول عن تجميع مخلفات العمليات الحيويه من خلايا الجسم والتخلص منها. ان حدث خلل في عمل الجهاز الليمفاوي تتراكم الفضلات والسموم في خلايا الجسم وبالتالي تظهر الامراض والارهاق والتعب . التفريش الجاف بيحفز عمل. الجهاز الليمفاوي ويقويه وبالتالي عمليه التخلص من الفضلات والسموم بتتم بكفاءه عاليه وبالتالي صحه هايله لكامل الجسم ونضاره ونضافه للجلد.
2. التقشير
التقشير هو عمليه بتهدف لازاله خلايا الجلد الميته والتى تتراكم على سطح الجلد الخارجى. وبالتالي مظهر احسن للبشره وانعاش للمسام وازاله الرواسب منها وبالتالي الجلد بيتنفس ولونه بيبقى أكثر صحه ونضاره.
3. تنعيم الجلد ولمعانه
مع المداومه علي التفريش الجاف يوميا هتلاحظي ان بشره جسمك اصبحت مشدوده أكثر. أكثر لمعانا ونعومه بشكل جميل وملحوظ. المناطق المحببه الخشنه بتقل مع الوقت. مشكله الشعر تحت الجلد بتقل مع الوقت. والنتيجه بشره أجمل.
4. تحفيز الدوره الدمويه
التفريش الجاف بيحفز الدوره الدمويه ويزود مقدار الدم الواصل للبشره وبالتالي تغذيه اعلي وكمان تخلص اعلي من الفضلات والرواسب الحيويه من طبقات الجلد العميفه.
5. يقلل السيلوليت
بيساعد علي شد الجلد وتقليل الانبعاجات اللي فيه الناتجه عن توزيع خاطئ للدهون تحت الجلد نتيجه تمزق في الالياف. التفريش الجاف بيساعد علي ارجاع الدهون ديه لمكانها الطبيعي وكمان تخلص الجلد من السموم وبالتالي السبب في تمزق الالياف والنتيجه تقليل عام من مظهر السيلوليت ونتايج ملحوظه.
6. تقليل التوتر والارتياح العام
كثيرا ما يتم وصف التفريش الجاف علي انه تأمل خصوصا اذا تم عمله في هدوء وبمكان هادئ. يساعد علي الشعور العام بالارتياح وازاله التوتر وتخليص العضلات من الشد والعمل علي اراحتها. نفس تأثير المساج الكامل للجسم. مما يحسن الحاله المزاجيه والنفسيه.
7. يحسن وظائف الهضم والكلي
بتحسن وظيفه الجهاز الليمفاوي والعقد الليمفاويه بيتم التخلص من السموم المتراكمه في الجسد وبالتالي تتحسن وظيفه الهضم والكلي.
8. يعطي دفعه من الطاقه والحيويه
التفريش الجاف بيعلي طاقه الجسم عموما نتيجه طبيعيه لتحسن الدوره الدمويه ولذلك يفضل عمله في الصباح في بدايه اليوم وليس قبل النوم. فهو يعطى دفعه من الحيويه والطاقه جميله لبداية اليوم :)
طريقته:
- في البدايه هتحتاجي لفرشاه ناعمه ويفضل تكون مصنوعه من شعيرات طبيعيه ومن ايد طويله علشان تقدري تطولي بيها كل ضهرك. خلي بالك متكونش الفرشاه خشنه تجرح بشرتك او تسيب فيها علامات. لو ملقتيش فرشاه بالمواصفات ديه ممكن تستعملي لوفه بلدي ناعمه جدا أو لوفه مغربي ناعمه علي شكل جوانتي لسهوله الاستخدام.
- التفريش دايما يكون بدري علي اد ما تقدري ويكون جسمك جاف تماما. ويا حبذا لو تدمجيه مع روتينك الصباحي ويكون قبل الحمام الصباحي. لانه بيرفع معدلات الطاقه في الجسم وبالتالي هو مناسب لفتره الصباح وبدايه العمل أكثر.
- التفريش دايما هيكون في اتجاه القلب لتحسين وتنشيط الدوره الدمويه.
- هنبدأ بباطن القدم والتفريش يكون بضغط خفيف في اتجاه طولي ناحيه القلب. ثم ظاهر القدم ومنه للساق ثم الفخذ لأعلي. ثم يكرر مع الساق الأخري. بعد كده ننتقل للذراعين بدايه من الكف وفي الاتجاه لأعلي للكوع ثم الكتف.
الظهر والبطن والصدر والرقبه تمشي عليهم بضربات خفيفه من الفرشاه في اتجاهات الاسهم الموضحه بالصوره او في حركه دائريه في اتجاه عقارب الساعه.
الظهر والبطن والصدر والرقبه تمشي عليهم بضربات خفيفه من الفرشاه في اتجاهات الاسهم الموضحه بالصوره او في حركه دائريه في اتجاه عقارب الساعه.
- لاحظي ان لازم يكون ضغطك علي الفرشاه معتدل والفرشه نفسها مش خشنه بحيث توجعك او تسيب علامات في بشرتك. الهدف التفريش وليس التقشير.
- بعد التفريش جلدك هيبقي لونه وردي. وبكرر وردي وليس أحمر دليل علي تنشيط الدوره الدمويه فيه.
- التفريش عاده ممكن ياخد من دقيقتين لعشره لكل الجسم.
- تجنبي المناطق الرقيقه من بشرتك او فرشيها بشكل رقيق جدا وناعم حتي لا تتأذي.
- يمكنك عمل تفريش لبشره وجهك مره او مرتين اسبوعيا وبفرشاه ناعمه جدا وضغط خفيف وهيعتبر بديل عن خطوه التقشير الاسبوعيه المعتاده. وهيحسن مظهر بشره وجهك ونضارتها بشكل ملفت ورائع.
- يستحسن بعد الانتهاء من التفريش انك تاخدي حمام دافي طويل علي اد ما تقدري وترطبي جسمك (وديه خطوه مهمه لجمال شرتك وتغذيتها) بزبدات وزيوت طبيعيه غنيه.
- تقدري تعمليه مره كل يوم خصوصا فى الدايه علشان تلاقى نتيجه سريعه ملحوظه وبعد كده ممكن مرتين تلاته كل اسبوع.
التفريش الجاف من أحلى وأسهل وأرخص طرق التجميل الطبيعيه والعنايه بشرتك. لو جربتيه هتدمنيه لأنك هتحبيه وهتشوفى نتايجه الهايله فى عيون اللى حواليكى :)
- تقدري تعمليه مره كل يوم خصوصا فى الدايه علشان تلاقى نتيجه سريعه ملحوظه وبعد كده ممكن مرتين تلاته كل اسبوع.
التفريش الجاف من أحلى وأسهل وأرخص طرق التجميل الطبيعيه والعنايه بشرتك. لو جربتيه هتدمنيه لأنك هتحبيه وهتشوفى نتايجه الهايله فى عيون اللى حواليكى :)