أعتنى ببشرتك
جلدك هو اول حاجه بتعكس جمالك وأهتمامك وتعبر عن صحتك.
جلدك هو أكبر عضو فى جسمك والعنايه بيه لا تقل أهميه أبدا عن العنايه بأكلك.
جلدك هى خط الدفاع الأول فى جسمك ضد البكتيريا والأمراض وكل العوامل الخارجيه.
جلدك هى خط الدفاع الأول فى جسمك ضد البكتيريا والأمراض وكل العوامل الخارجيه.
جلدك هو الكيس أن جاز التعبير اللى محطوط فيه باقى أعضاء جسمك.
جلدك مليان مسامات وله القدره على أمتصاص اى حاجه بتلمسه فى غضون ثوانى.
جلدك بيمتصها وينقلها للدوره الدمويه فى جسمك وبالتالى اى حاجه هتحطيها على جلدك هتوصل لباقى اعضاء جسمك وهتكون جزء من خلاياكى وأعضاءك يعنى جزء منك.
معقوله بعد كل ده تحطى عليه بأرادتك الحره وبأختيارك سموم؟
أيوه سموم. ديه الحقيقه للأسف اللى بقينا عايشين فيها وحوالينا فى كل مكان.
الأنسان فى سعيه الحثيث للمكسب وللتصنيع فقد بوصلته وهدفه وقيمه اساسيه فى حياته. بدل ما يصنع منتج يفيد ويعالج ويحمى, بمنتهى الأسف أتجاه لصناعه سموم تتراكم فى خلايانا ودمنا وتضعف مناعتنا وتعمل خلل فى هرموناتنا وتوازن أجسامنا الطبيعى اللى خلقنا بيه.
صحيح المنتج الواحد نسبه السموم فيه لوحدها قليله لكن تقدرى تقوليلى كاااام منتج بنستخدمه؟ وكااام مره بنستخدمه؟ ولمده أد أيه بنستخدمه؟
صحيح المنتج الواحد نسبه السموم فيه لوحدها قليله لكن تقدرى تقوليلى كاااام منتج بنستخدمه؟ وكااام مره بنستخدمه؟ ولمده أد أيه بنستخدمه؟
بحسبه بسيطه هتكتشفى انها شهور وسنين من التراكمات اللى بتصنع جبل وحاجز بينا وبين أستمتعنا بصحه وعافيه وحياه طبيعيه بدون أمراض.
متستسهليش ومتنخدعيش بالتغليف الشيك والكلام المزوق ..
أرجعى للطبيعه اللى خلقها ربنا بتوازنها الرائع وبنعم وخير لا يعد ولا يحصى ننهل منها كل ما يفيدنا ويشفى أجسادنا وأرواحنا.
فى حضن الطبيعه هتلاقى الحب والأمان والبساطه والصحه والجمال :)