* النهارده هقولك علي كذا وصفه حلوين اوي لتنضيف شعرك وفروه راسك من غير لا مواد كيميائيه ولا حتي صابون :)
- ايه ده معقول! ينفع!
* امم ينفع جدا. وكلمه السر في وصفات النهارده هي العسل :)
- عسل!!!
* ايوه العسل الطبيعي الحلو اللي بناكله ده. العسل الابيض :)
- أزاي ؟؟
* اللي متعرفيهوش ان العسل مش بس أكل مليان فيتامينات مفيده جدا للجسم. ده كمان منظف قوي جدااا ومضاد للبكتيريا والفطريات. العسل بيتحد مع السموم والاوساخ ويزيلها.
- وااااو!!
* ايوه وعلشان كده بيعتبر منظف طبيعى و جميل اوي ولطيف علي الشعر وفروه الراس.
- أستعمله ازاي بقي؟
* بسيطه جدا. بخاخه ميه ترشي بيها شعرك وفروه راسك. وبعدين معلقتين تلاته عسل في طبق وعليهم كام نقطه ميه وتقلبي. الهدف من اضافه الميه ان يبقي قوامه سهل التدليك والفرد علي شعرك فضيفي كميه الميه اللي تحققلك الهدف ده. وبأطراف اصابعك دلكي العسل في فروه راسك كلها والباقي علي شعرك. لفيه بتوكه علشان متلزقيش نفسك ههههه وسبيه كده من ربع لنص ساعه. وبعد كده أشطفي بالميه كويس اوي واعملي خلطه البلسم الطبيعي اللي قلتلك عليها في ميه الشطف الاخيره.
- بس كده؟
* بس كده :)
نشفى شعرك بفوطه بالطبطبه وحطي لمسات من كريم التصفيف من شيابيوتي او اي زيت طبيعي. لفي شعرك لحد ما ينشف. واتفرجي علي الحرير بقي ههههه
- حلو اووووي.
* خلي بالك بقي من فتره الديتوكس اللي كلمتك عليها قبل كده. الطريقه ديه هتبقي مفيده اوي ومناسبه لاصحاب الشعر الجاف والعادي والاطفال الصغيرين. والناس اللي بتحب تغسل شعرها بحاجه لطيفه بشكل يومي.
اصحاب الشعر الدهني بقي او لو كنتي عامله حمام زيت وعايزه حاجه اقوي تشيل الدهون. ضيفي للعسل عصير ليمون فريش.
- تمام اوي علشان صاحبتي شعرها دهني فهقولها علي اضافه الليمون لكن انا شعري جاف فأضيف ميه بس. صح كده؟
* تمام وممكن بدل الميه او معاها تضيفي خل تفاح او جل صبار او خليط من كل دول. كل ديه عناصر منظفه ومرطبه لشعرك ومتوازنه جدا في تركيبها.
- حلو اوي الصبار ده مفيد جدا للشعر.
* اه جداااااا
حاجه كمان حلوه بقي. ممكن تضيفي علي الخلطه ديه معلقه صغيره اوي صابون سائل طبيعي او شامبو طبي. هتقلل من اضرار الشامبو وتفيد شعرك جدا. ده لو مش قادره تتخلي عن الشامبو :)
- عندك حق ما لا يدرك كله لا يترك كله وفي فعلا ناس بتضايق لو مغسلتش شعرها بمنظف قوي يبقي علي الاقل تاخد فايده الطبيعي وتقلل اضرار الكيميكلز علي اد ما تقدر :)
* يلا بقي يا جميله قومي جربي 😘🌹
- حالا 😂👍
لمعرفه وصفاتنا اللي فاتت واللي جايه. تابعينا علي الفيس بوك على الهاشتاج ده 👇
#وصفات_شيابيوتى