- الحقينى ! الوصفه بتاعه الشامبو الطبيعى اللى قلتيهالى مش نافعه معايا نشفتلى شعرى وعقدته فى بعض :(
* أهدى بس وقوليلى عملتى ايه بالظبط؟
- عملت زى ما قلتى جبت الصابون واخدت منه معلقه صغيره ودوبتها فى كوبايه ميه كبيره وغسلت بيها شعرى بعد ما بليته وشطفته كويس ونشفته بفوطه قطن بالطبطبه كده و ...
* أستنى أستنى . طيب والبلسم؟
- لا معملتهوش
* ليه !!!!!
- قولت ملوش لازمه
* لأ يا حبيبتى ده ليه لازمه ونص طبعا. لازم تعمليه علشان ال PH بتاع شعرك يبقى فى المعدل الطبيعى وبالتالى هتلاقى شعرك ناعم وبيلمع وطرى.
- يعنى أحط معلقه خل تفاح فى كوبايه ميه واشطف بيهم شعرى
* أيوه ولو شعرك جاف حطى نقطين زيت زيتون او جوز هند
- طيب اكتر الخل علشان شعرى يبقى ناعم أكتر :)
* لا يا بنتى كده هتبوظيه التزمى بمقادير الوصفه ابوس اديكى هههههه دى كيمياء يا حبى كيمياء ههههه
- كيمياء؟
* أيوه تعالى أشرحلك :)
بصى يا ستى أغلب الشامبوهات الصناعيه وبالذات بتاعه لا دموع بعد اليوم والصابون كمان ايا كان ال ph بتاعهم من 7 ل 9 يعنى وسط قلوى.
- أيه ال ph ده؟
* ال ph اللى كنا بناخده فى المدرسه وورقه عباد الشمس الحمرا والزرقاء مش فاكره؟ عموما ديه درجه بتحدد مدى قلويه او حموضيه الماده اللى بتقسيها.
- أمم
* طيب الصابون وسط قلوى ال ph بتاعه من 7 ل 9. فبعد ما نغسله بنستخدم خل التفاح المخفف وده تقريبا ال ph بتاعه فى حدود 3. علشان نعمل توازن لفروه الراس ونرجعها لل ph الطبيعى بتاعها واللى بيكون فى حدود ال 5. وده مهم جدا. ده اللى بيحافظ على فروه الراس وافرازتها الطبيعيه وبالتالى بيحمى شعرك من البكتيريا والفطريات والقشره وبيخلى شعرك لامع وصحى اكتر.
ها فخمتوا :)
- أه فهمت ههههه
* طيب تمام . شطوره :)
تابعينا على الفيس بوم على الهاشتاج ده لكل وصفاتنا :)
#وصفات_شيابيوتى