- تساقط . جفاف . قشره . هيشان . دهون . بهتان . أوف بقى أنا زهقت من شعرى :(
* للأسف ده حال كتير أوى دلوققتى من البنات ومن الشباب.
والأسباب مختلفه وأهمها بصراحه أننا مبنحترمش التوازن الطبيعى اللى ربنا خلقه فى أجسامنا وبنتعامل غلط معاها.
- أزاى؟
* تعالى أقولك أزاى.
فروه الراس زبها زى اى مكان فى البشره فيها مسام وغدد. والغدد ديه ربنا خلقها بتوازن صحيح بتفرز كميه دهون وزيوت معينه بتخلى الشعر متغذى وجميل لا هو جاف ولا هو دهنى ولا فيه قشره. نقوم أحنا نجيب مواد كيماويه خطيره نحطها على شعرنا وراسنا قال ايه بهدف تنضيفها !!!!
- خطيره أزاى يعنى ؟!!
* عندك ماده زى الصوديوم لوريث سلفات واللى موجوده هى او واحد من بدائلها فى الشامبوهات التجاريه حتى الماركات الكبيره والمشهوره منها ديه ايه؟ ديه ماده خطيره تتسبب فى حدوث سرطانات فى الجلد على المدى البعيد بالأضافه الى أنها مهيجه للبشره وبتعطل التوازن الهرمونى فى الجسم وبتسبب التساقط للشعر!
تخيلى ان الماده ديه بتستخدم كمنظف قوى لأزاله الدهون فى ورش السيارات والمحركات! الماده ديه هتلاقيها موجوده فى أغلب الشامبوهات التجاريه للأسف نظرا لأنها بتعمل رغوه عاليه وتمنها رخيص جدا والبدائل الطبيعيه ليها مبتديش نفس الرغوه وغاليه. والزبون بيحب الرغوه الكتيره فنديله رغوه. ديه واحده فقط من مكونات الشامبوهات التجاريه ده غير المواد الحافظه والزيوت البتروليه وغيرها. بص متسمعيش منى أعملى سيرش بنفسك على الأنترنت وأقرأى عن الأضرار بنفسك.
- !!!!!!!!!!!!!!!
* اللى بيحصل بقى ان الكيمكلز ديه اللى بنحطها على شعرنا وفروه راسنا بتشيل كل الدهون الطبيعيه المفيده من فروه الراس ومن الشعر وبتجفف الغدد الدهنيه جدااا وبشكل قاسى. فالغدد الدهنيه الغلبانه فى راسك واللى بتتعرض لحرب ضروس بيبقى ادامها واحد من حلين:
يا أما بتبدأ تفرز دهون تانى كتير علشان تعوض الأكتساح اللى حصل وبالتالى تلاقى شعرك زيت بشكل اعلى ومع الوقت يتحول لشعر دهنى بكل مشاكله.
يا أما متقدرش تلاحق على اللى بيحصل فيها ده وبالتالى شعر جاف هايش فاقد للحيويه وللحياه.
- طيب ما انا بحط بلسم بعدها علشان اعالج الجفاف ده؟
* أيوه بالظبط يعنى جاى تكحليها عميتها.
- أزاى؟
* البلسم ده كل اللى بيعمله انه بيغلف الشعره من الخارج بطبقه لينه لزجه علشان يديك أحساس خادع ان الشعرايه بقت طريه وصحيه. وهو فى الحقيقه مجرد غلاف. ومش بس كده المشكله انه بقى يتصنع من مواد بتفضل ماسكه فى الشعر ومغلفاه وبتتراكم عليه فمع الوقت الشعر بيفقد حيويته ويتعب جدا ويتقصف ويبوظ زياده ويتساقط.
- طيب والحل؟
* نرجع للطبيعى.
- يعنى أيه؟
* يعنى فى حلول طبيعيه لطيفه على فروه راسنا وشعرنا بتنضف وتفيد بطريقه رقيقه متبوظش التوازن الطبيعى لشعرنا. مع الوقت شعرنا هيبدأ يرجع يحي من تانى ويتنفس.
- طيب قولى الطريقه؟
* هقولك على طريقتين مش طريقه واحده. بس فى البوست الجاى علشان الناس تركز وتستفيد معانا :)
باقي الوصفه نزل علي صفحتنا :)
لكل وصفاتنا تابعينا على الفيس بوك على الهاش تاج ده
#وصفات_شيابيوتى
شيابيوتى تحبك وتعتنى بكى